बागलुङ, ५ माघ – प्रगति बहुउदेश्यीय सहकारी संस्था लि.बागलुङले आफ्ना शेयर सदस्यका परिवारलाई मृतक राहत रकम प्रदान गरेको छ । काँठेखोला- २ भीमापोखराका शेयर सदस्य देउदत्त पाध्याको मृत्यु भएपछि उनका परिवारलाई मृतक राहत रकम प्रदान गरेको संस्थाले जनाएको छ । सहकारीका अध्यक्ष कृष्णप्रसाद पौडेल ‘कुमार’, सचिव उदयचन्द्र चपाई र कोषाध्यक्ष केशव गौतम लगायतको टोली मृतक शर्माको घरमा नै पुगी मृतकप्रति श्रद्धाञ्जली प्रकट गर्दै मृतकका परिवारलाई राहत रकम रु. २० हजार प्रदान गरेका हुन ।
प्रगति सहकारी संस्थाले आफ्ना शेयर सदस्यको मृत्यु भएमा रु. २० हजार र शेयर सदस्यका बाबुआमा, सासु ससुरा वा एकाघरका सदस्यको निधन भएमा रु.४ हजारका दरले नगदै राहत रकम प्रदान गर्दै आएको छ । शेयर सदस्यको पिडामा थोरै भएपनि मलम लगाउन सकियोस भनेर मृतकका परिवारलाई राहत रकम प्रदान गरिएको अध्यक्ष पौडेलले वताए ।
