जोमसोम, १३ बैशाख – लकडाउनका कारण पोखरा र काठमाडौं लगायतका स्थानमा अड्किएका मुस्ताङीलाई शनिबारदेखि गन्तव्यमा फर्काउन पहल सुरु गरिएको छ । पहिलो दिन ८४ जना जिल्ला भित्रिएका छन् । शनिबार म्याग्दी र मुस्ताङको सीमावर्ती क्षेत्र थासाङ गाउपालिकाको घासा प्रहरी चेक पोष्टबाट २ वटा बस र २ वटा जिप भित्रिएका छन् ।
प्रहरी चौकी घासाका अनुसार लोमान्थाङ जाने २ बसमा ७७ जना, लोघेकर दामोदरकुण्ड जाने १ जीपमा ६ जना र थासाङ जाने १ जीपमा २ यात्रु मुस्ताङ भित्रिएका हुन् । उनीहरुलाई जिल्लाका संघ तथा प्रदेश सांसदहरु, स्थानीय तह, स्थानीय प्रशासन र सुरक्षा निकाय समन्वयमा फर्काउन सुरु गरिएको हो ।
सरकारले लक डाउन केही खुकुलो बनाएका कारण अलपत्र परेका मुस्ताङीलाई घर फर्किन थप सजिलो भएको प्रशासनले जनाएको छ । म्याग्दी र मुस्ताङको सीमाक्षेत्रबाट मुस्ताङी सवार साधनलाई डिसइन्फेक्सन गराएर मात्रै प्रबेश दिइएको चौकीका ईञ्चार्ज नीमप्रसाद तिमिल्सिनाले जानकारी दिए । ‘सम्वन्धित निकायको पहलमा अलपत्र मुस्ताङीलाई घर फर्काइन थालिएको छ । पहिलो दिन ८४ जना भित्रिएका छन्, उनले भने ।’
पोखरा र काठमान्डौं लगायतका स्थानबाट करिव एक हजार जना भन्दा बढी मुस्ताङी जिल्ला फर्किने क्रममा रहेको गण्डकी प्रदेशका सांसद ईन्द्रधारा बिष्टले जानकारी दिए । झन्डै लक डाउनको एक महिने अवधिसम्म तलै होम क्वारेन्टाईनमा बसेका मुस्ताङीको पोखरा महानगर पालिकाको पनि अनुमति लियौ र जिल्ला बाहिरिने ईन्ट्रि गराउदैछौं ।
उनीहरुलाई सुरक्षित घर पठाउने प्रवन्धमा लागेको सांसद बिष्टले बताए। एक साता भित्र सबै अलपत्र मुस्ताङी गन्तब्यमा पु¥याउने गरी जिल्लाका स्थानीय तहले पहल गरेको लोघेकर दामोदरकुण्ड गाउपालिकाका अध्यक्ष लोप्साङ छोम्फेल बिष्टले जानकारी दिए । विश्व व्यापी माहामारीको रुपमा फैलिएको कोभिड–१९ र लक डाउनले जिल्लाबासीले दुख व्यवहोर्न परेको अध्यक्ष बिष्टले बताए ।
लोमान्थाङका प्रशासकीय अधिकृत शेषकान्त पौडेलले आईतबार ४ वटा बसमा पोखराबाट मुस्ताङ पठाउने तैयारी भईरहेको छ। गाउ फर्किनेमा ४ वटा गुम्बा स्कुलका करिव २ सय बढी बिद्यार्थी छन् । यसअघि जिल्ला स्तरीय राहत तथा व्यवस्थापन समितिको बैठकमा अलपत्र मुस्ताङीलाई जिल्ला फर्काउने सहज वातावरण निर्माण गर्न पहल सुरु गर्ने सहमति गरेका थिए । उक्त सहमति अनुसार स्थानीय तहले शुक्रबार साझ देखि उद्दारकार्यमा सक्रियता जनाईएका हुन्।
सहमतिमा ५ वटै स्थानीय तह, प्रशासन, सुरक्षा निकाय र अन्य सरोकारवालाहरुले लक डाउनमा फसेकालाई उद्दार गर्न एकमत भएका थिए । जिल्ला भित्रिएकालाई समाजघर र होमक्वारेन्टाईन जिल्ला कोरोना कहर राहत तथा व्यवस्थापन समितिमा जिल्ला भित्रिएकाहरुलाई होम क्वारेन्टाईन तथा स्थानीय समाज घरमा व्यवस्थापन गर्ने सहमति गरेका छन् । समितिको बैठकमा जिल्ला कमाण्ड पोष्टले क्वारेन्टाईनको क्षमता र व्यवस्थापन गर्न असहज पर्ने भएकाले होम क्वारेन्टाईन र समाजघरमा राख्न अनुमती दिएको हो ।
स्थानीय तहको पालिका र वडा तह र स्थानीय कोभिड–१९ संकट व्यवस्थापन केन्द्र (सीसीएमसी) लाई होम क्वारेन्टाईन तथा समाजघरमा बस्ने व्यक्तिलाई गाउ गाउ र टोलटोल बन्दाबन्दी (एकान्तबास) गराएर व्यवस्थित गर्ने जिम्मेवारी दिईएको छ । गाउको बाहिरी घेरामा सुरक्षा निकायले २४ सै घण्टा निगरानी गर्ने छ । होम क्वारेन्टाईन र समाजघरमा बस्ने व्यक्तिे कोभिड–१९ को मापदण्ड तोडेर नियम उलंघन गरेमा तुरुन्तै सरकारी क्वारेन्टाईनमा राख्ने व्यवस्था मिलाईएको छ ।