तनहुँ, २१ वैशाख – जिल्लाको म्याग्दे गाउपालिकाको राहत कोष खातामा म्याग्दे गाउँपालिकामा कार्यरत कर्मचारीहरूले १ लाख ७३ हजार २ सय ७० रूपैया जम्मा गरेका छन् । गाउँपालिका अध्यक्ष मायादेवी रानालाई प्रमुख प्रशासकीय अधिकृत हरिराम नागिलाले आईतवार सो रकमको चेक हस्तान्तरण गरे ।
कर्मचारीले राहत कोषमा जम्मा गरेको रकम धेरै सकरात्मक रहेको अध्यक्ष रानाले बताईन । हस्तान्तरण कार्यक्रममा प्रदेश सांसद आशा खनाल, गाउँ पालिका उपाध्यक्ष बालकृष्ण घिमिरेले सहयोगका लागि सवैलाई धन्यवाद दिए ।
कोभिड १९ रोकथाम तथा नियन्त्रणका लागि अधिकृत स्तरका कर्मचारीको ५ दिनको र सहायक स्तरका कर्मचारीको ३ दिन बराबरको तलव रकम राहत कोषमा जम्मा गरेको लेखा अधिकृत नवराज पोखरेलले जानकारी दिए । स्वास्थ सेवाका कर्मचारीको भने तलव कट्टा गरिएको छैन ।