पोखरा, १६ जेठ – संघीय सरकारले स्थानीय सरकारलाई दिने अनुदानमा पोखरा महानगरपालिकाले सबैभन्दा धेरै बजेट पाएको छ । संघीय सरकाले स्थानीय सरकारलाई चार किसिमको अनुदान दिँदै आएकोमा आर्थिक वर्ष २०७७/०७८ को बजेटमा पोखराले समानीकरण, सशर्त अनुदान, विशेष अनुदान र समपूरक समेत गरी कुल २ अर्ब ५२ करोड ६० लाख रुपैयाँ पाएको हो । सरकाले ६ वटा महानगरपालिकाका लागि चार वटै शीर्षकमा गरी कुल नौ अर्ब ४७ करोड ७ लाख रुपैयाँ वित्तीय हस्तान्तरण शीर्षकमा विनियोजन गरेको हो । सरकारले आर्थिक वर्ष ०७७/०७८ मा १४ खर्ब ७४ अर्ब ६४ करोड रुपैयाँ बजेट विनियोजन गरेको थियो ।
