बागलुङ, २१ असार– गाउँसभा सदस्यहरुको बिबादका कारण असार १० गते नीति तथा कार्यक्रम मात्रै प्रस्तुत गरेर सातौं गाउँसभ स्थगित गरेको जिल्लाको तमानखोला गाउँपालिकाले आईतबार नीति तथा कार्यक्रम र बजेट पारित गरेको छ ।
आईतवार बसेको सातौं गाउँसभाको दोस्रो बैठकले आगामी आर्थिक बर्षका लागि २७ करोड ४२ खाल रुपैयाँको बजेट पारित गरेको हो । शिक्षा, स्वास्थ्य, कृषि, रोजगारी र कोरोना भाईरसको नियन्त्रण तथा रोकथाममा केन्द्रित बजेट बहुमतले बारित भएको गाउँपालिका अध्यक्ष जोकलाल बुढाले बताए ।
गाउँसभा सदस्यहरुको बिचमा रहेको असहमतिलाई छलफल गरेर सम्बोधन गरेपछि आईतबार सातौं गाउँसभाको दोस्रो बैठक बसेको थियो । बैठकले नीति तथा कार्यक्रम, स्थानीय मदिरा ऐन २०७७, विनीयोजन बिधेयक २०७७ समेत बहुमतले पारित गरेको छ । गाउँपालिकाले आगामी आर्थिक बर्षमा वडा नं. ४ र ५ को प्रशासनिक भवन निर्माणको कामलाई पनि प्राथमिकतामा राखेको छ ।
