लमजुङ, १ साउन– लमजुङमा पहिरोमा परी ज्यान गुमाउनेका परिवारलाई गण्डकी सरकारले नगद राहत दिएको छ । गण्डकी प्रदेशका मुख्यमन्त्री पृथ्वीसुब्बा गुरुङले पहिरोमा परी ज्यान गुमाउनेका परिवारलाई बुधबार राहत रकम हस्तान्तरण गरेका हुन् । असार १५ गते लमजुङको बेसिसहर ७, सातबिसेमा पहिरोमा परी दीपक तामाङसहित उनकी श्रीमती भीममाया तामाङ र १० वर्षीय छोरा छेवाङ तामाङको ज्यान गएको थियो । गण्डकी सरकारले प्रति मृतकलाई ५० हजारका दरले राहत बितरण गरेको छ ।
