पोखरा, २६ पुस– पोखरा उद्योग वाणिज्य संघको ३३ औं महाधिवेशनअन्गर्तत शनिबार भएको निर्वाचन कार्यक्रममा ७५ प्रतिशत मत खसेको छ । कुल मतदाता ३१५४ रहेकोमा २३६५ जना सदस्यहरु मतदानमा भाग लिएको निर्वाचन संयोजक तीर्थ श्रेष्ठले जानकारी दिए । उनका अनुसार मतगणना भने आइतबार संघको सचिवालय गैह्रापाटनमा गरिनेछ । यो पटक कोरोना कहरका कारण कम भोट खसेको हो ।
संघमा अध्यक्ष, उद्योग र वाणिज्य गरी दुई उपाध्यक्ष, महासचिव, कोषाध्यक्ष, उपमहासचिव र १० जना सदस्यहरुको लागि निर्वाचन भएको हो । यसैगरि ४ जना बस्तुगत संघतर्फका सदस्यको लागि पनि प्रतिष्पर्धा भएको थियो । बस्तुगततर्फ २९ जना सदस्यले मतदान गरेका थिए ।
तस्वीर ः पोखरा उद्योग वाणिज्य संघको निर्वाचनमा मतदान गर्दै पोखरा च्याम्बर अफ कमर्सका अध्यक्ष किसान सुनार । च्याम्बरलाई पोउवा संघको समानान्तर संगठनको रुपमा हेरिन्छ ।