पोखरा, २१ चैत– राष्ट्रिय सहकारी दिवसको अवसरमा पोखरा ५ पस्र्याङस्थित शिवशिखर बहुउद्देश्यीय सहकारी संस्थाले सरसफाइ कार्यक्रम गरेको छ । सहकारीद्वारा सञ्चालित गार्डेन मार्ट डिपार्टमेन्टल स्टोर र पोखरा ५ वडाको समन्वयमा बागलुङ राजमार्ग क्षेत्रमा सरसफाइ गरिएको हो ।
कार्यक्रममा गार्डेन मार्ट प्रवन्धक अञ्जना थापाले राष्ट्रिय सहकारी दिवसको शुभकामना दिइन् । सहकारी प्रवन्धक रमेश न्यौपाने सरसफाइ कार्यक्रममा सहभागीलाई धन्यवाद ज्ञापन गरे । न्यापौनेले भने, ‘आउँदा दिनमा पनि यस्तै सामाजिक कार्यहरुमा सहभागी हुने वाचा गर्दछौं ।’
पोखरा ५ वडाध्यक्ष धनबहादुर नेपालीले सहकारीसँग समन्वय गरी अगाडि बढ्न पाउँदा खुसी व्यक्त गरे । उनले भने, ‘भविष्यमा पनि यस्ता कार्यहरुमा सहकारी प्रति सधैं सहयोगी भूमिका खेल्ने प्रतिवद्धता व्यक्त गर्दछु ।’
