बागलुङ, २३ चैत– कुमारी बैंक लिमिटेड, बागलुङ शाखाले बैंकको २० औं वार्षिकोत्सवको अवसरमा वृक्षरोपण गरेको छ ।
बैंकले बानपा ३ चिप्लेटी बसपार्क नजिकै बनाइएको सामुदायिक पार्कमा धुपी, रुद्राक्षलगायतका विरुवा रोपिएको हो ।
कुमारी बैंकका कर्मचारी, सामुदायिक प्रहरी सेवा केन्द्रका पदाधिकारी तथा पार्कव्यवस्थापन समितिका पदाधिकारी र सरोकारवाला र स्थानीयको सहभागितामा वृक्षरोपण गरिएको हो । वातावरणीय सन्तुलन कायम राख्न तथा बैंकको सामाजिक उत्तरदायित्व पूरा गर्ने उद्देश्यले वृक्षरोपण गरिएको बैंकका शाखा प्रबन्धक रामु पाण्डेले जानकारी दिए ।
