बागलुङ, १० असार – स्थानीय स्रोत र साधनको अधिकतम परिचालन, सहि सदुपयोग र आम जनसहभागिताको माध्यमबाट दीगो विकासमा जोड दिदै उत्पादन वृद्धि गर्ने गरी जिल्लाको जैमिनी नगरपालिकाले बजेट सार्वजनिक गरेको छ । आगामि आर्थिक बर्षको बजेट तथा कार्यक्रम सार्वजनिक गर्दै नगर उप–प्रमुख लिला रानाले गरिबी नियन्त्रणका लागि सहयोग पुग्नेगरी बजेट तथा कार्यक्रम सार्वजनिक भएको बताए । ६४ करोड १३ लाख ६४ हजार रुपैयाँको बजेट तथा कार्यक्रम सार्वजनिक गरेको नगरले आर्थिक विकासको माध्यमबाट गरीबी निवारणमा प्रत्यक्ष योगदान पु¥याउने उल्लेख गरेको छ । समग्र नगर क्षेत्रको समानुपातिक र सन्तुलित विकासमा सहयोग पु¥याउने लक्ष रहेको रानाले बताए । स्थानीय स्रोत, साधनको प्रयोग र जनसहभागिताको परिचालनबाट दीगो र वातावरणमैत्री विकासमा सहयोग पु¥याईने रानाले बजेटमा उल्लेख गरेका छन् । योजना तथा बिषयबस्तुका आधारमा बिनियोजन नभएको बजेटले बजेटका उद्देश्यको बारेमा मात्रै प्रष्ट पारेको छ । रोजगारी र स्वरोजगारको विभिन्न अवसर सृजना गरी सम्वृद्धि तर्फ उन्मुख गराउने, सामाजिक समावेशीकरणको माध्यमबाट आर्थिक, सामाजिक क्षेत्रको विकासमा सहयोग पु¥याउने । सहज र आधारभूत सेवा प्रदान गर्न जोड दिने । उद्यमशीलताको प्रवर्धन गरी रोजगारी सृजना गर्ने । गुणस्तरीय शिक्षाको माध्यमबाट सक्षम र उच्च प्रकारको जनशक्ति उत्पादन गर्ने ।
र कोभिड १९ को प्रभावले बैदेशिक रोजगारीबाट फर्केका नागरिकहरुलाई उनीहरुको सिप, क्षमताको अधिकतम उपयोग गरि आयमूलक काममा प्रयोग गर्नेलगायतका उद्देश्य नगरको बजेटमा समावेश छन् ।

पूर्ण पाठ

आदरणीय नगरप्रमुख  ज्यु ,

नगर सभा सदस्यज्यूहरु

राष्ट्रियता, लोकतन्त्र, गणतन्त्र र जनजीविका प्राप्तिको आन्दोलनमा विभिन्न कालखण्डमा जीवन उत्सर्ग गर्नुहुने सम्पूर्ण ज्ञात, अज्ञात सहिदहरु प्रति भावपूर्ण श्रद्धान्जली अर्पण गर्दछु । राष्ट्रिय स्वाधीनता, स्वाभिमान, लोकतन्त्र, संघीयता, जनजीविका, सुशासन र समृद्धि प्राप्तिको आन्दोलन र क्रान्तिको नेतृत्व गर्ने  नेताहरु, नागरिक समाज, सञ्चार जगत र सहभागि जनसमुदायलाई उच्च सम्मान र प्रशंसा गर्दै वधाई र धन्यवाद व्यक्त गर्दछु । लोकतन्त्र, दीगो शान्ति, सुशासन साथै यस क्षेत्रको विकास र समृद्धिको लागि जैमिनी नगरपालिकाको ५ औ बजेट तथा कार्यक्रम प्रस्तुत गर्न यस गरिमामय नवौं नगरसभामा सम्बोधनको लागि उपस्थित भएको छु  ।

गत वर्षमा जस्तै यो वर्ष पनि कोभिड १९ को महामारीले विश्व नै आक्रान्त भएकाले हाम्रो नगरपालिका पनि अछुतो रहेन । यो संक्रमण महामारी रोगले अहिले सम्म पोजेटिभ संख्या ३०१ रहे पनि देशका विभिन्न स्थान र विदेशमा दर्जनौ जैमिनीका होनहार नगरिकहरु हामीले गुमाएका छौ, मृतकहरु प्रति भावपुर्ण श्रद्धान्जली व्यक्त गर्दै शोक सन्तप्त परिवारजन, आफन्तहरुमा गहिरो समवेदना व्यक्त गर्न चाहन्छु । यस प्रकोपबाट जनताको जिउ ज्यान जोगाउन अहोरात्र खट्ने स्वास्थ्य कर्मीहरु, महिला स्वास्थ्य स्वयमसेविकाहरु, सुरक्षा कर्मीहरु, शिक्षक कर्मचारीहरु, नागरिक समाज, पार्टी प्रतिनिधिहरु र सम्पुर्ण जनप्रतिनिधिहरु यस पालिकालार्इ उच्च भावनाले स्वास्थ्य सामाग्रीहरु र नगद सहयोग गर्ने विभिन्न संघ संस्थाहरु सवैलार्इ हार्दिक धन्यवाद र आभार व्यक्त गर्दछु । यो कोभिड १९ को प्रकोप निस्तेज भइसकेको छैन यसका विरुद्धको स्वास्थ्य सावधानी निरन्तर ख्याल राख्न र अपनाउन अनुरोध गर्दछु, साथै यस माहामारीले यस पालिकाका जनसमुदायमा पर्न गएको दु:ख एवम् समस्या प्रति ऐक्यवद्धता जाहेर गर्दै दु:ख व्यक्त गर्दछु ।

संघीय लोकतान्त्रिक गणतन्त्र नेपालको मूल संरचना संघ, प्रदेश र स्थानीय तह गरी तीन तहको हुने व्यवस्था रहेको छ । यी तीन वटै तहबीचको सम्बन्ध सहकारिता, सहअस्तित्व र समन्वयको सिद्धान्तमा आधारित रहेको छ । स्थानीय नेतृत्वको विकास गर्दै स्थानीय तहमा विधायिकी, कार्यकारिणी र न्यायिक अभ्यासलाई संस्थागत गर्न स्थानीय सरकार संचालनका लागि स्थानीय सरकार संचालन ऐन २०७४ जारी भई कार्यान्वयनमा रहेको छ । स्थानीय तहमा जनप्रतिनिधिको वहालीसँगै संविधानमा व्यवस्था भएको संघीय लोकतान्त्रिक गणतन्त्र र संघीयताको कार्यान्वयन गर्दै स्थानीय सरकार संचालन गर्नुपर्ने अभिभारा जनप्रतिनिधि उपर आएको छ । साथै लोकतान्त्रिक, समावेशी, जवाफदेही, पारदर्शी र प्रभावकारी स्थानीय शासनको अनुभूति जनतालाई गराउने दायित्व पनि निर्वाचित जनप्रतिनिधिमा रहेको छ । यसै सन्दर्भमा आगामी आर्थिक वर्ष २०७८/०७९ को लागि स्थानीय सरकारको रुपमा नगरसभामा बजेट प्रस्तुत गर्न पाउँदा अत्यन्त गौरवान्वित भएको छु । लामो संघर्ष पछि नेपाली जनताको चाहना अनुरुप संघीय स्वरुपको समावेशी जनप्रतिनिधिमूलक राज्य प्रणाली स्थापना भएको छ । स्थानीय तहका निर्वाचनबाट लोकतान्त्रिक शासन प्रणाली संस्थागत भएको छ । स्थानीय सरकारलाई राज्यका सम्पूर्ण स्रोत र सामर्थ्यको सदुपयोग गरी विकास र समृद्धिको यात्रामा अविचलित रुपमा अगाडी वढ्न उत्प्रेरणा मिलेको छ ।

स्थानीय सरकार “सम्मृद्ध जैमिनी, सुखी जैमिनी नगरवासी” बनाउने दीर्घकालिन उद्धेश्य अनुरुप आर्थिक, सामाजिक एबं लैङ्गीक समानता तथा सामाजिक समाबेशीकरण समेतको  विकासको मौलिक ढाँचामा अघि वढिरहेको छ । उच्च आर्थिक बृद्धिसँगै त्यसको न्यायपूर्ण वितरणबाट सर्वाङ्गिण विकास हासिल गर्न सकिने यस जैमिनी नगरको लक्ष्य  रहेको छ । सवै जैमिनीबासी नागरिकका लागि मर्यादित जीवन, स्वच्छ खानेपानी, न्यूनतम खाद्य सुरक्षा, आधारभूत स्वास्थ्य, शिक्षा र घर विहिनहरुलार्इ सुरक्षित आवास सुकुम्वासी समस्या समाधान, भौतिक पूर्वाधारका सम्पूर्ण जगहरुको विकास, आन्तरिक तथा वाह्य पर्यटन प्रवर्द्धन, कृषि र पशुको क्षेत्रमा व्यवसायीकरण गरी उत्पादन वृद्धि र बजारीकरण, विभिन्न प्राविधिक तालिम मार्फत स्थानिय स्तरमै रोजगारी सृजना जस्ता अत्यावश्यक आवश्यकताको परिपूर्ति नै हाम्रो समाजवाद उन्मुख समाज निर्माणको महत्वपुर्ण कदम हो र हुनेछ ।

आदरणीय नगरप्रमुख  ज्यु ,

नगर सभा सदस्यज्यूहरु

आगामी आर्थिक वर्ष २०७८/७९ को बजेट तर्जुमा गर्दा मैले जैमिनी नगरपालिकाको नीति तथा कार्यक्रमको प्राथमिकता अनुसार चालु आवधिक योजना, दीगो विकास लक्ष्य, जैमिनी नगरसभाका सदस्यहरुले दिनुभएका सुझावहरुलाई मार्गदर्शनको रुपमा लिएको छु । राजनीतिक दल, संघसंस्था, विद्धतवर्ग, नागरिक समाज , कर्मचारी, शिक्षक तथा आम नगरवासी दिदीवहिनी दाजुभाईहरुबाट प्राप्त रचनात्मक सुझावहरुलाई समेत ध्यान दिएको छु ।

 बजेटका लक्ष्यहरु :–

स्थानीय स्रोत र साधनको अधिकतम परिचालन, सहि सदुपयोग र आम जनसहभागिताको माध्यमबाट दीगो विकासमा जोड दिदै उत्पादन वृद्धि गरि गरिबी न्यूनीकरणमा सहयोग पुर्‍याउने ।

अध्यक्ष महोदय,

अब म जैमिनी नगरपालिकाको गत आ.व. २०७६।७७ र चालु आ.व.२०७७/७८ को समीक्षा प्रस्तुत गर्ने अनुमति चाहन्छु ।

जैमिनी नगरपालिका भित्र रहेका बिषयगत क्षेत्र तर्फ हासिल गरेका उपलब्धि विवरणहरु निम्न बमोजिम प्रस्तुत गर्ने अनुमति चाहन्छु ।

अध्यक्ष महोदय,

अव म आगामी आर्थिक वर्ष २०७८।०७९ का लागि बजेटका प्राथमिकता र आय व्यय प्रस्तुत गर्ने अनुमति चाहन्छु।

अध्यक्ष महोदय,

अव म आगामी आर्थिक वर्ष २०७८।०७९ को  आय र व्ययको अनुमान प्रस्तुत गर्दछु ।

अध्यक्ष महोदय,

उपरोक्त अनुसार जैमिनी नगरपालिकाको आगामी आर्थिक वर्ष २०७८।७९ को  लागि आय तर्फ कुल जम्मा रु. ६४,१३,७४,००० (चैसठ्ठी करोड तेह्र लाख चौरहत्तर हजार रुपैया मात्र) र व्यय तर्फ कुल जम्मा रु ६४,१३,७४,००० (चैसठ्ठी करोड  तेह्र लाख चौरहत्तर हजार रुपैया मात्र) प्रस्ताव गरेको छु । उल्लेखित बजेटमा गैरसरकारी क्षेत्रको बजेट समावेश गरिएको छैन । यस बजेट तथा कार्यक्रममा अनुमान गरिएको अल्या रकम थप वा घट भएमा कार्यपालिका एवं नगर सभाबाट निर्णय गरी आवश्यक कार्यान्वयन गरीनेछ । माथिका शिर्षकहरुको शिर्षकगत खर्चको विस्तृत विवरण र गैरसरकारी संघसंस्थाको वजेट तथा कार्यक्रम आगामी आ.व.२०७८।०७९ को बार्षिक नगर विकास योजनाको पुस्तिकामा समावेश गर्ने गरी व्यवस्था मिलाएको छु । आगामी आ.व.मा नगरपालिका बाट लगाईने कर, शुल्क, दस्तुरका लागि तयार गरिएको आर्थिक ऐन २०७८ र प्रस्तावित बजेटलाई खर्च गर्नका लागि विनियोजन ऐन २०७८ स्वीकृतिका लागि पेश गरेको छु ।

प्रस्तावित बजेटलाई वडास्तरबाट प्राप्त मागहरुको प्राथमिकता र आवश्यकताको आधारमा महत्वपूर्ण सल्लाह र सुझाव सहित शिर्षकगतरुपमा छलफल गरि पारित गर्नुहुन विश्वास लिएको छु।

बजेट आफैमा तथ्यमा आधारित अनुमान हो । यसको लक्ष्य प्राप्तिका लागि हाम्रो एक्लो प्रयास मात्र सम्भव छैन । तसर्थ राजनैतिक दल, सम्पूर्ण संघसंस्था तथा सम्पूर्ण नगरवासीहरुको सामुहिक प्रयासबाट मात्र यो सम्भव छ । समग्र जैमिनी नगरको विकासबाट समृद्धि प्राप्तिको लक्ष्यलाई ठोस रुपमा अगाडि वढाउदै तर्जुमा भएका योजना तथा कार्यक्रमहरुलाई प्रभावकारी र वैज्ञानिक कार्यान्वयन गर्न सवै तिरबाट यथोचित सहयोग हुनेछ भन्ने पूर्ण विश्वस्त छु । प्रस्तुत वजेट तथा कार्यक्रम तर्जुमा गर्ने प्रकृयामा प्रत्यक्ष तथा परोक्षरुपमा सहयोग पुर्‍याउनुहुने सम्पूर्ण कार्यपालिका सदस्यज्यूहरु, नगरस्थित क्रियाशिल राजनितिक दलहरु, आम सञ्चार जगत, नागरिक समाज, नगरबासी दाजुभाई तथा दिदी वहिनीहरु, प्रमुख प्रशासकीय अधिकृतज्यू लगायत कर्मचारी मित्रहरुलाई धन्यवाद दिन चाहन्छु । जैमिनीको विकास प्रक्रियामा सहयोग उपलब्ध गराउने नेपाल सरकार, दातृ निकाय, सहयोगी संघ संस्था तथा निकायहरु, निजी क्षेत्र प्रति म जैमिनी नगरपालिकाको तर्फबाट हार्दिक आभार व्यक्त गर्दै आगामी दिनमा पनि सहयोग निरन्तररुपमा प्राप्त हुनेछ भन्ने विश्वास गर्दछु ।

लिला राना

नगर उप प्रमुख

“जय जैमिनी, जय नगर सभा”

धन्यवाद ।