जोमसोम, १० साउन – नेपाल पत्रकार महासंघ मुस्ताङ शाखा उपाध्यक्ष दुर्गादेवी रसाईलीलाई पितृ शोक परेको छ ।
उपाध्यक्ष रसाईलीकी पिता तथा शाखाका संस्थापक अध्यक्ष भीमबहादुर रसाईलीका ससुरा विश्वराम सुनारको ६३ वर्षको उमेरमा शनिबार पोखरामा निधन भएको हो ।
कास्कीको रुपा गाउँपालिका-६ खोलाकोछेउ रुपातालमा घर भएका सुनारको शनिबार आफ्नै घरमा निधन भएको परिवारले जनाएको छ ।
नेपाल पत्रकार महासंघ मुस्ताङ शाखाको अध्यक्ष सुन्दरकुमार थकालीले शनिवार विज्ञप्ती प्रकाशित गरी सुनारको निधनप्रति दुख व्यक्त गदैं शोकाकुल परिवारजनमा समवेदना प्रकट गरेका छन् ।
