तस्विर मुस्ताङका पत्रकार शुशीलबाबु थकालीको फेसबुक पेजबाट साभार गरिएको हो ।
मुस्ताङ/ हिजोदेखि बेपत्ता तारा एयरको जहाज मुस्ताङको थासाङ गाउँपालिका–२ मा दुर्घटनाग्रस्त अवस्थामा फेला परेको छ । थासाङ गाउँपालिका–२ को कोबाङ गाउँको माथी सानुसरे भन्ने स्थानमा क्षत विच्छेद अवस्थामा सहाज भेटिएको मुस्ताङका पत्रकार शुशीलबाबु थकालीले जानकारी दिए । उनले क्षद बिच्छेद जहाजको तस्विर खिचेका छन् ।
नेपाली सेनाका प्रवक्ता नारायण सिलवालका अनुसार ल्याङखु खोलाको मुहान नजिकको पहाडमा ठोक्किएर टुक्रा–टुक्रा भएको अवस्थामा जहाज फेला परेको छ ।
‘स्थानीय शेर्पाहरुले दुर्घटनाग्रस्त अवस्थामा जहाज फेला पारेका छन्,’ नेपाली सेनाका प्रवक्ता सिलवालले भने, ‘त्यहाँसम्म हाम्रो टोली पुग्ने प्रयासमा छ ।’
