पोखरा / ‘समृद्ध सदस्य, सुशासनयुक्त उत्कृष्ट सहकारी’ भन्ने परिकल्पना सहित पोखरा महानगरपालिका वडा ८ को सनसाइन बचत तथा ऋण सहकारीले त्रिवर्षिय रणनीतिक व्यवसायिक योजना निर्माण कार्यशाला सम्पन्न भएको छ ।
संस्थाका अध्यक्ष अग्निप्रसाद कँडेलज्युको अध्यक्षतामा भदौ ५ देखी ७ गतेसम्म कार्यशालाको आयोजना गरिएको थियो ।
नेफस्कुनका कार्यक्रम अधिकृत कोमल राज अधिकारी र अनुगमन अधिकृत सूर्यप्रसाद तिमल्सिनाले सहजिकरण गरेका उक्त कार्यशालामा सञ्चालक समित, आन्तरिक लेखा सुपरिवेक्षण समिति तथा उच्च व्यवस्थापनको सहभागीता रहेको थियो ।
कार्यक्रममा संस्थाका कोषाध्यक्ष नेत्रलाल भण्डारीले स्वागत मन्तव्य तथा निवर्तमान अध्यक्ष गजकुमारी गुरुङले शुभकामना मन्तव्य राखेकी थिइन् । कार्यक्रम सञ्चालन सचिव नवराज अधिकारीले गरेका थिए ।
