नवलपुर / बिल नभएको युरिया मल प्रहरीले शनिबार बरामद गरेको छ । महेन्द्र राजमार्गको डण्डानजिक जाँचका क्रममा बर्दघाटबाट नारायणगढतर्फ आउँदै गरेको लु २ ख ५७०८ नम्बरको मालवाहक ट्रकमा ल्याइएको ४ सय बोरा युरिया मल बरामद भएको हो ।
जिल्ला प्रहरी कार्यालयका अनुसार त्यो मल कसले कहाँबाट ल्याएको भन्ने नखुलेको र सक्कली बिलसमेत नभएका कारण बरामद गरिएको हो । मल र ट्रक पश्चिम नवलपरासीको महेशपुर भन्सार नाकामा पठाइएको छ ।
