विमानमा चालक दलका तीनजना सदस्यसहित ४२ जना सवार छन्। भुटानको पारो विमानस्थलबाट चालक दलका तीन सदस्यसहित शनिबार बिहान ६:४५ मा पोखरा ओर्लिएको विमान ४२ युरोपेली पर्यटक बोकेर ८:१५ मा थिम्पु फर्किएको हो।

सगरमाथादेखि पोखरासम्म घुमेका ४१ जना अमेरिकन पर्यटकले भुटान जानका लागि ड्रुक एयर चार्टर्ड गरेका हुन् । अमेरिकन पर्यटकहरु हेलिकप्टरमा घुम्ने, महँगा होटल, रिसोर्टमा बस्ने र साहसिक गतिविधिमा भाग लिने गरेका थिए ।

ड्रुक एयरलाईन्सको विमानलाई अवतरणका क्रममा पानीको फोहोराले स्वागत गरिँदै ।

यसअघि गएको असार ६ गते चीनको सिचुवान एयरलाइन्सको एयरबस-३१९ पोखरा अन्तर्राष्ट्रिय विमानस्थलमा अवतरण गरेको थियो। त्यतिबेला चीनबाट चार्टर्ड गरेर आएको सो विमान यताबाट भने यात्रु नलिइ रित्तै फर्किएको थियो।

विमानस्थलका प्रमुख कर्णले पोखराबाट नियमित अन्तर्राष्ट्रिय उडानको लागि पहल भइरहेको जानकारी दिए।  गएको पुस १७ गतेबाट पोखरा अन्तर्राष्ट्रिय विमानस्थल सञ्चालनमा आएको हो।  विमानस्थललाई २४ सै घण्टा सञ्चालन गर्न सकिनेगरी पूर्वाधारको विकास गरिएको छ।

अमेरिकन पर्यटकलाई विदाई गर्दै पर्यटन व्यवसायीहरु ।

भिडिओ : (ड्रुक एयरको विमानलाई पोखरा अन्तर्राष्ट्रिय विमानस्थलमा स्वागत गरिँदै ।)