पोखरा/ हिमालपारीको जिल्ला मुस्ताङ सदरमुकाम जोमसोम रहेको घरपझोंग गाउँपालिका–४ मा आइतबार सडक भासिदा यातायात सेवा अवरुद्ध भएको छ ।
मुस्ताङका प्रमुख जिल्ला अधिकारी जनक पन्तका अनुसार कालीगण्डकी नदी किनारमा वाल लगाउनका लागि फाउन्डेशन खन्ने क्रममा बिहान १० बजे सडक भासिएको हो । ‘करीव २० मिटर जति सडक भासिएपछि यातायात अवरुद्ध भएको छ’ टेलिफोनमा उनले भने, ‘अहिले सडक बनाउने काम भइरहेको छ । छिटै यातायात सुचारु गर्ने योजनामा छौ ।’
सडक बिभागको डोजरको सहायताले सडक सुचारु गराउने पहल भईरहेको हो । सडक भासिएपछि दुवैतर्फ गरी सयौं सवारी साधन रोकिएका छन ।
