बागलुङ/काठेखोला गाउँपालिकाले कृषि, पशुपालन र शिक्षालाई जोड दिएर आगामि आर्थिक बर्षको बजेट सार्वजनिक गरेको छ । गाउँपालिकाले आर्थिक, सामाजिक र पूर्वाधार बिकासलाई सँगसँगै अघि बढाउनेगरी आगामी आर्थिक वर्ष २०८२/८३ को बजेट ल्याएको छ ।
गाउँपालिकाको १७ औं गाउँसभाको दोस्रो बैठकमा उपाध्यक्ष तेज बहादुर थापाले बजेटमा ५८ करोड ६९ लाख ८३ हजार रुपैयाँको अनुमानीत बजेट प्रस्तुत गरे । सर्शत (चालु)तर्फ ३१ करोड १२ लाख,सशर्त (पूजिगत) एक करोड ४० लाख, चालु तर्फको खर्च सात करोड ३० लाख, पुर्वधार विकासमा २ करोड १९ लाख, सामाजिक विकासतर्फ तीन करोड २१ लाख खर्चहुने अनुमान गरिएको छ ।
गाउँपालिकाले ८ वटा वडामा तीन करोड ७० लाख रुपैयाँ वजेट विनियोजन गरेको छ । पालिकाको दुई वटा गौरबको योजनाको लागि एक करोड, संघ तथा प्रदेश समपुरकतर्फ तीन करोड रकम बजेट विनियोजन गरेको छ ।
यस्तै संघिय सरकार समपुरक अनुदान ढोलकाटेचोक, तंग्रमाम वडा कार्यालय भवन, सात्लेस हुदै धम्जा देउराली सडक स्तरोन्तीको लागि १ करोड २१ लाख बजेट नियोजन गरेको छ । पालिकाले आर्थिक बिकास कृर्षि, पर्यटन,उद्योग तथा बाणिज्य,सहकारी र वित्तिय क्षेत्रको लागि १ करोड १५ लाख बजेट विनियोजन गरेको छ ।
