तिमीले स्विकारेकी हौ बस् मजबुरीमा
जून नापी रह्यो धर्तीसंगको प्रेम दुरीमा ।
त्यसरी नै गएथ्यौ छाडेर अप्ठ्यारो बेला
जसरी दियोले पनि, साथ छोड्छ हुरीमा ।
मेरा यादको आगोलाई निभाउँछु भन्थेउ
हो त रहेछ धुवाँ निस्की रहेको छ धुरीमा ।
तिमीलाई मीठो भन्नेहरु पनि छन् मान्दछु
मह काडेसी थोरै गुलियो टाँसिन्छ छुरीमा ।
हर अमुल्य चिज प्रेमले मिल्छ लोभले हैन
जसरी कस्तुरीले सुगन्ध भेट्दैन कस्तुरीमा ।
