१) मुक्तक
सम्बन्ध जोड्न सिकाउँछन् फूलहरू हार बनेर
प्रेम र सद्भाव पढाउँछ परम्परा दशैं(तिहार बनेर
हामी सतहमा रमाउँछौं गम्भीरता बुझ्नै चाहदैनौं
मौलाउँदै आउँछ विकृति र विसंगति प्रहार बने ।
२) मुक्तक
एक्लैएक्लै हिंडेर कहाँ पुग्ने विचार छ ?
उल्टो बाटो दगुरेर कहाँ पुग्ने विचार छ ?
खालि शून्य हो जिन्दगी शून्यमा नै बिलाउँछ
व्यर्थै तँछाडमछाड गरेर कहाँ पुग्ने विचार छ ?
३) मुक्तक
गुन बिर्सनु हुँदैन, बैगुन बिर्सनु हुँदैन
सुकर्मलाई दिएको, सगुन बिर्सनु हुँदैन
खुसी बिर्सिए हुन्छ, दुस्ख बिर्सिए हुन्छ,
पहराको सहारा बिस्कुन बिर्सनु हुँदैन ।
४) मुक्तक
सजिलो हुँदै हुँदैन धारमा हिंड्न
बिछ्याएर पैताला तरबारमा हिंड्न
पन्छीझैं स्वतन्त्र भई उड्नेहरूलाई
निकै कठिन हुन्छ विचारमा हिंड्न ।
५) मुक्तक
कसैले नसक्ने जिम्मेवारी मलाई दिनु होला
देशद्रोही जलाइदिन्छु सलाई दिनु होला
बोलेको गरिनँ गरेको बोलिनँ भने महोदय
गुनासो रहन्न चिता बनाई जलाइदिनु होला ।
