बागलुङ/पश्चिम बागलुङको ढोरपाटन नगरपालिकामा ट्याक्टर दुर्घटना हुँदा एक जनाको मृत्यु भएको छ ।
मंगलबार राती करिब १२ बजे ढोरपाटन नगरपालिका वडा नं. ५ अधिकारीचौरबाट बुर्तिवाङ आउँदै गरेको ध. १ त. ५७७ नम्बरको ट्याक्टर बाउनगाउँमा दुर्घटना हुँदा ट्याक्टरमा सवार १६ वर्षीय सुशीला सुनारको मुत्यु भएको इलाका प्रहरी कार्यालय बुर्तिबाङका प्रहरी निरीक्षक तिलक मानन्धरले जानकारी दिए ।
सुनारको बुर्तिबाङ अस्पतालमा उपचारको क्रममा मृत्यु भएको हो । ट्याक्टर चालक फरार रहेकाले खोजी भइरहेको प्रहरी निरीक्षक मानन्धरले जानकारी दिए ।
ट्याक्टर सडकदेखि ११ फिट तल स्थानीयको गोठमा खसेर दुर्घटना भएको थियो ।
