बागलुङ / ताराखोला गाउँपालिकामा निर्माणाधीन जलविद्युत् आयोजनामा काम गरिरहेका एक मजदुरको डोजरबाट खसेको फलामे पाइपले च्यापिएर मृत्यु भएको छ।
शनिबार ताराखोला गाउँपालिका-५ धस्मरस्थित निर्माणाधीन जलविद्युत् आयोजनामा कार्यरत रोल्पाको सुनछहारी गाउँपालिका-३ निवासी २० वर्षीय दिलबहादुर विकको मृत्यु भएको प्रहरीले जनाएको छ।
डोजरबाट खसेको पाइपले च्यापिँदा उनी गम्भीर घाइते भएका थिए। उनलाई उपचारका गलकोट नगरपालिका-३ हटियास्थित इमर्जेन्सी अस्पतालमा भर्ना गरिएको थियो।
शनिबार दिउँसो उपचारका क्रममा विकको मृत्यु भएको जिल्ला प्रहरी कार्यालय बागलुङका प्रमुख फणिन्द्रप्रसाद प्रसाईंले जानकारी दिए। डोजर चालकलाई प्रहरीले नियन्त्रणमा लिएको छ।
