पोखरा/पोखरामा लागु औषधसहित एक युवा पक्राउ परेका छन् । लागु औषध विक्रि वितरण गरेको आरोपमा प्रहरीले पोखरा २५ हेम्जाका २९ वर्षिय विशाल भुजेललाई पक्राउ गरेको हो ।
जिल्ला प्रहरी कार्यालय कास्की र वडा प्रहरी कार्यालय बगरको टोलीले भुजेल लागुऔषधसहित पक्राउ गरेको जिल्ला प्रहरी कार्यालय कास्कीका सूचना अधिकारी प्रहरी नायव उपरीक्षक विरेन्द्र कुमार पासवानले जानकारी दिए ।
भुजेलको साथबाट लागुऔषध टेपान्डोल ३४ चक्की, मोबाइल एक थान र नगद दश हजार रुपैयाँ समेत बरामद भएको पासवानले बताए । पासवानका अनुसार भुजेल विरुद्ध लागु औषधसम्बन्धि कसुरमा सात दिनको म्याद थप गरि थप अनुसन्धान अघि बढाइएको छ । उनलाइ सोमबार दिउँसो पक्राउ गरिएको हो ।
