बागलुङ/घरको पर्खाल भत्किँदा बालकको मृत्यु भएको छ । आइतबार साँझ ढोरपाटन नगरपालिका वडा नं. २ सलामकोटमा घरको पर्खाल भत्किँदा च्यापिएर बडिगाड गाउँपालिका वडा नं. ५ का पाँच वर्षीय आशिष भण्डारीको मृत्यु भएको हो ।
मावलीघर सलामकोटमा बस्दै आएका भण्डारी आँगनमा खेल्दै गर्दा अचनाक घरको पर्खाल भत्किएर पुरिएको इलाका प्रहरी कार्यालय बुर्तिबाङका प्रहरी नायब निरीक्षक सुदीप भट्टराईले जानकारी दिए । पर्खालले पुरिएर गम्भीर घाइते बनेका भण्डारीको उद्धार गरी बुर्तिबाङ अस्पतालमा ल्याउँदा डाक्टरले मृत घोषणा गरेका थिए ।
