बागलुङ / राष्ट्रिय स्वतन्त्र पार्टी (रास्वपा) बागलुङको जिल्ला सभापतिमा ढालेन्द्र रायमाझी निर्वाचित भएका छन् । शनिवार भएको प्रथम जिल्ला अधिवेशनमा सभापतिमा रायमाझी निर्वाचित भएका हुन् ।
उनी प्रतिस्पर्धी पुनम प्रसाद शर्मालाई ११ मतको अन्तरले पराजित गर्दै विजयी बनेका हुन् । रायमाझीले ९३ मत प्राप्त गरे भने शर्माले ८२ मत प्राप्त गरेका छन् ।
त्यसैगरी जिल्ला उपसभापतिमा खिमानन्द पौडेल निर्वाचित भएका छन् । उनले ९९ मत प्राप्त गरेका छन् । उनका प्रतिस्पर्धी देबुजंग बुढाथोकीले ७५ मत प्राप्त गरेका छन् ।
सचिवमा लिलबहादुर (बबिन) खत्री १११ मत लिएर विजयी भएका छन् । प्रतिस्पर्धी प्रकाश रिजालले ६५ मत प्राप्त गरेका छन् । सहसचिवमा बालकृष्ण शर्मा ८८ मत लिएर विजयी भएका छन् । उनका प्रतिस्पर्धी कमल प्रसाद खरेलले ८५ मत प्राप्त गरेका छन् ।
निर्वाचनबाट क्षेत्र नं. १ को संयोजकमा राम प्रसाद अधिकारी १०२ मत लिएर विजयी भएका छन् । उनका प्रतिस्पर्धी यम कुमारी मल्लले ६८ मत प्राप्त गरेका छन् ।
त्यसैगरी, क्षेत्र नं. २ को संयोजकमा हिमाल खत्री ९७ मत लिएर बिजयी भएका छन् । उनका प्रतिस्पर्धी कृष्णबहादुर ले ७४ मत प्राप्त गरेका छन् ।
