बागलुङ/सँगै काम गरी बस्ने साथीलाई धारिलो चक्कु प्रहार गरी हत्या गरेको आरोपमा काठेखोला गाउँपालिका ३ धम्जाबाट एक युवा पक्राउ परेका छन् ।
प्रहरीले मंगलवार राती ढोरपाटन नगरपालिका-५ का २५ बर्षिय अर्जुन घर्तीलाई पक्राउ गरेको हो ।
हत्याको सूचना पाएपछि मंगलवार राती नै धम्जा पुगेर प्रहरीले घर्तीलाई पक्राउ गरेको हो । मंगलबार राती पौने १० बजे घर्तीले ढोरपाटन नगरपालिका-७ का ४० वर्षिय अशोक खत्रीलाई हत्या गरेको प्रहरीले बतायो ।
ढोरपाटन नगरपालिका-५ घर भएपनि एकसाता देखि काठेखोलामा आएर दुवै जना ज्याला मदजुरीको काम गर्दै आएका थिए । उक्त स्थानको निर्मल आधारभूत बिद्यालयको पुरानो भवनमा बस्दै काम गरिरहेका थिए ।
