बागलुङ/निरन्तरको झरीले बडिगाड गाउँपालिकाको एक घरमा क्षति पुगेको छ । बिहिबार साँझ घरमाथिबाट खसेको पहिरोले बडिगाड गाउँपालिका वडा नं. ५ जोगीबगरमा स्थानीय लोकबहादुर थापाको घरमा क्षति पुगेको हो ।
वडा अध्यक्ष विष्णुप्रसाद आचार्यका अनुसार, पहिरोका कारण घरमा क्षति पुगेपनि मानवीय क्षति भने भएको छैन । पहिरोले थप क्षति पु¥याउने अवस्था देखिएपछि थापा परिवारलाई सुरक्षित स्थान छिमेकीको घरमा सारिएको आचार्यले जानकारी दिए ।
बडिगाड आसपासमा निरन्तर वर्षा भईरहेकोले सावधानी अपनाउन गाउँपालिकाले अनुरोध गरेको छ । निरन्तरको वर्षाले ग्रामीण सडक तथा लोकमार्गमा पनि जोखिम कायम रहेकाले सकभर रातीमा यात्रा नगर्न तथा पहिरोको जोखिम भएका क्षेत्रमा सतर्क रहन तथा सुरक्षित स्थानमा बस्न बडिगाड गाउँपालिकाले आग्रह गरेको छ ।
