पोखरा/ अविरल वर्षापछि आएको पहिरोले पोखरा–बागलुङ (मध्यपहाडी लोकमार्ग) को कास्की खण्ड अवरुद्ध भएको छ । अन्नपूर्ण गाउँपालिका वडा नम्बर ३ कृषि अनुसन्धान केन्द्र लुम्लेको ३ नम्बर गेट नजिकै पहिरो गई मध्यपहाडी लोकमार्ग अवरुद्ध भएको प्रहरीले जनाएको छ ।
यसैगरी घान्द्रुक जाने सडक पनि धेरै स्थानमा अवरुद्ध भएको छ । यस्तै मोदिखोलामा आएको बाडीले झिनु तातोपानी पूर्णरुपले क्षति भएको छ । मोदीखोलाले आफ्नो मार्ग परिवर्तन गरि तातोपानी कुण्डमा आइपुगेको छ । पहिरोले तातोपानी मुलसम्मा पुग्नसक्ने अवस्था समेत नरहेको प्रहरीले जनाएको छ ।
