खर्वाङ (बागलुङ)/ ढोरपाटन नगरपालिका– १ बुर्तिबाङ भगवति टोलमा चितुवाको आक्रमणबाट एक जना घाईते भएका छन ।
आज विहान चितुवाको आक्रमणबाट स्थानिय ६५ वर्षिय लालेन्द्र कुमार पुन घाईते भएका वडाध्यक्ष बान बहादुर छन्त्यालले जानकारी दिए । उनको हातमा चितुवाले आक्रमण गरेको र अबस्था समान्य रहेको उनले बताए ।
आज विहान स्थानिय धुर्व श्रेष्ठको खोरमा रहेका खरायो मारेपछि स्थायिनले चितुवा लखेटेका थिए । अहिले चितुवा घाईते लालेन्द्र कुमार पुनकै घरमा स्थानियले थुनेर राखेका छन् । पुनको घरमा थुनेर राखिएको चितुवा उद्धार गर्न सव डिभिजन वन कार्यालय बुर्तिबाङका प्रमुख सारिका लामिछाने सहित जिल्ला र प्रदेश वन कार्यालयको टोलि घटनास्थल जाँदै छ ।
