पोखरा / कास्की जिल्लामा क्रीयाशिल गैरसरकारी संस्थाहरूको बार्षिक समिक्षा कार्यक्रम सम्पन्न भएको छ । जिल्ला समन्वय समितिको सभाहलमा बिहीवार र शुक्रबार भएको समिक्षा गरिएको थियो ।
सोही क्रममा जिल्ला समन्वय समितिका प्रमुख पौडेलले गैरसरकारी संस्थाहरू थप प्रभावकारी, व्यवस्थित र थप परिणाममुखी बनाउन समिक्षा सहयोगी भएको बताए ।
देखिएका कमिकमजोरी सुधारेर थप परिमार्जन र परिष्कारमुलक कार्यमा अगाडि बढ्न आग्रह गरे । आफू निर्बाचित भएदेखि नै सरकारी एवम् गैरसरकारी संस्था सहित सामाजिक संस्थाहरूको समेत पारदर्शीता ,जबाफदेहिता र उत्तरदायीत्वमा जोड दिदैँ आएको स्मरण गर्दै नियामक निकाय स्थानिय तहहरू समेत थप क्रीयाशिल हुनुपर्नेमा जोड दिए ।
राष्ट्र विकास र समृद्धिको यात्रा गैरसरकारी संस्थाहरूको उपस्थिति र सहकार्य विना सम्भव नहुने उल्लेख गरे । कार्यक्रममा गैर सरकारी संस्था महासंघ कास्कीका अध्यक्ष इन्दिरा पौडेल , नागरिक समाजका अगुवा राम बहादुर पौडेल ,पोखरा महानगर पालिकाका बाल कल्याण अधिकारी बेल कुमारी गुरुङ सहितले गैरसरकारी संस्थाका कार्य र भावि भूमिका सम्बन्धमा प्रकाश पारेका थिए ।
शुक्रवार असहाय बाल उपकार संघ , आइ एन एफ नेपाल हरियो खर्क अस्पताल , लिबर्ड ,रेन्बो चिल्ड्रेन होम,कर्मा फ्लाइट ,गोनेशा ,नेपाल हाउस कास्की ,समन्वय नेपाल बाल गृह ,सृजना विकास केन्द्र ,सिबिन नेपाल सहितले समिक्षा प्रस्तुत गरे।
त्यसैगरी बिहीवारको समिक्षामा राइट फर चिल्ड्रेन ,बाल कल्याण संस्था ,शक्ति समुह ,चिल्ड्रेन नेपाल ,कोपिला नेपाल ,दयाको सेवा नेपाल ,साना हातहरू नेपाल ,मानव अधिकारका लागि महिला एकल महिला समुह कास्की ,बाल हितकारी परियोजना ,थ्री एन्जल्स नेपाल ,बहिनी एडुकेयर फाउन्डेसन ,कोपिला चिल्ड्रेन होम,महिला सशक्तीकरण समाज ,एस ओ एस बाहिनी ,सहित पन्ध्र वटा संस्थाले आ (आफ्नो संस्थाको संचालित कार्यक्रमको विवरण सहित समिक्षा प्रस्तुत गरेका सूचना अधिकारी लक्षु शर्माले जानकारी दिए ।
