बागलुङ/निसीखोला गाउँपालिकाले विपद्बाट प्रभावित परिवारलाई राहत तथा आर्थिक सहयोग गरेको छ । निसीखोलामा आएको बाढी र पहिरोले क्षति पु¥याएपछि गाउँपालिकाले राहत उपलब्ध गराएको हो ।
गाउँपालिकाले विपद्का कारण ज्यान गुमाएका व्यक्तिका परिवार, पूर्ण जोखिममा रहेका तथा जोखिममा रहेका परिवारलाई वर्गीकरण गरी आर्थिक सहयोग उपलब्ध गराएको निसीखोला गाउँपालिकाका अध्यक्ष सुर्यबहादुर घर्तीले जानकारी दिए ।
निसीखोलामा बाढी तथा पहिरोका कारण पाँच जनाको मृत्यु भएको छ भने २४ घरमा पूर्ण क्षति भएको छ । २१ घर जोखिममा परेका छन् ।
गाउँपालिकाका अनुसार मृतकका परिवारलाई प्रतिव्यक्ति ५० हजार, पूर्ण जोखिममा रहेका परिवारलाई ३० हजार र जोखिममा रहेका परिवारलाई १० हजारका दरले राहत उपलब्ध गराइएको छ । पाँच जना मृतकको परिवार, घरमा क्षति भएका ३२ परिवार र घरमा आंशिक क्षति भएका २१ परिवारलाई सहयोग प्रदान गरिएको छ ।
