बागलुङ/पहिरोले घर बगाउँदा बेपत्ता तमानखोला गाउँपालिका–४ सन्तर निवासी ५३ वर्षीया पुनसरा विकको शव फेला परेको छ । खोजीकार्यमा खटिएका स्थानीय र प्रहरीको टोलीले बुधबार विकको शव फेला पारेको जिल्ला प्रहरी कार्यालय बागलुङका प्रहरी उपरीक्षक फणिन्द्र प्रसाईँले जानकारी दिए ।
पहिरोमा बेपत्ताको शव फेला परेपछि बागलुङमा अविरल वर्षापछि आएको पहिरोमा पुरिएर मृत्यु हुनेको संख्या १३ पुगेको छ । पहिरोले निसीखोला गाउँपालिकामा पाँच, तमानखोलामा पाँच र ताराखोलामा तीन जनाको मृत्यु भएको हो ।
