बागलुङ/बागलुङमा रेष्टुराँ तथा क्याफे सञ्चालन गरिरहेका व्यवसायीहरु संगठित भएका छन् । उनीहरुले रेष्टुराँ तथा क्याफे व्यवसायी संगठन बागलुङको तदर्थ समिति गठन गरेका छन् ।
समितिको अध्यक्षमा शेखर खड्का चयन भएका छन् । खड्का बेम्बो क्याफे एण्ड किचनका सञ्चालक हुन् । ११ सदस्यीय समितिको उपाध्यक्षमा शौरभ श्रेष्ठ, सचिवमा सुमन जिसी र कोषाध्यक्षमा लक्ष्मण थापा छन् । रेष्टुराँ तथा क्याफे व्यवसायीलाई संगठित गर्ने संगठनको लक्ष्य छ ।
आगामी मंसिर मसान्तभित्र संगठनको सम्पूर्ण कानुनी प्रक्रिया पूरा गरी पहिलो अधिवेशन गर्ने संगठनले जनाएको छ ।
