पोखरा / नेपाली सेनाले धादिङ र गोरखालाई जोड्ने बूढीगण्डकी नदीस्थित आरुघाटमा बेलीब्रिज जडान गरी गोरखा सडक आयोजनालाई हस्तान्तरण गरेको छ। हस्तान्तरसंगै सो पुलबाट सवारी साधन आवतजावत गर्न थालेका छन् ।

असोज २५ गते बूढीगण्डकी नदीमा आएको भीषण बाढीले पुलको गोरखातर्फको खण्ड बगाएपछि सेनाले असोज ३१ गतेदेखि बेलीब्रिज जडान सुरु गरेको थियो । सेनाले कात्तिक १ गते जडान कार्य सम्पन्न गरी सोमवार सडक आयोजनालाई हस्तान्तरण गरेको हो।

सैनिक जनसम्पर्क तथा सूचना निर्देशनालयका अनुसार उक्त ९० फिट (२७.४३ मिटर लम्बाइ र १३.७८ फिट ९४.२ मिटर चौडाइ) को बेलीब्रिज सञ्चालनमा आएसँगै धादिङ र गोरखाका आसपासका क्षेत्रका नागरिकलाई आवतजावत गर्न सहज भएको छ। पु

ल पुनःस्थापनाले बाढी प्रभावित क्षेत्रमा राहत सामग्री तथा अत्यावश्यक वस्तुको ढुवानीमा समेत सहजता आउने विश्वास सेनाले लिएको छ ।