पोखरा/सामाजिक यथार्थ र महिलाको पीडामा आधारित लघु चलचित्र ‘विधवा नारी’ आउँदो शुक्रबार सार्वजनिक हुँदैछ । चलचित्रमा विधवा महिलाले समाजबाट भोग्नुपरेको पीडा, भेदभाव र मानसिक संघर्षलाई यथार्थ ढंगले प्रस्तुत गरिएको निर्माण पक्षको दाबी छ ।
चलचित्रको कथा श्यामसुन्दर कार्कीले लेखेका हुन् भने पटकथा सुमन तिमिल्सिनाले तयार पारेका छन्। निर्देशन सुवाश काफ्ले को रहेको छ भने छायाङ्कन लक्ष्मण बयालकोटीले गरेका हुन् ।
चलचित्रमा मनिषा लामिछाने प्रमुख भूमिकामा देखिएकी छन् । उनले विधवा महिलाको संघर्षशील र संवेदनशील जीवनलाई सशक्त अभिनयमार्फत् उतारेकी छन् । अन्य कलाकारहरूमा श्यामसुन्दर कार्की, नवराज सापकोटा, सरिता सुनारलगायतको अभिनय रहेको छ ।
