आफ्नै आमालाई गाली गरेर के ठूलो बन्छौ
आफ्नै धर्तिलाई आँखा तरेर के ठूलो बन्छौं ।
बनाउन बालुवाको महल एकछिनको लागि
स्वाभिमानी नजरबाट झरेर के ठूलो बन्छौ ।
तथानाम भन्छौ तिललाई पहाड बनाउँछौं
आफ्नाकै विरुद्ध भ्रम छरेर के ठूलो बन्छौं ।
सद्भाव विथोल्न वर्साएर गाली वेइज्जती
हियाउने कै स्वार्थमा परेर के ठूलो बन्छौं ।
सिंगो देश अटाउने तिम्रो विशाल छातीमा
संकीर्ण दलीय स्वार्थ भरेर के ठूलो बन्छौं ।
