दशालाई धूलो चटाउने गरी, आउनु नयाँ वर्ष l
विकृतिलाई घटाउने गरी, आउनु नयाँ वर्ष ll
कोरोनाले गर्दा आज सारा विश्व रोएको छ l
रोगलाई डाँडा कटाउने गरी, आउनु नयाँ वर्ष ll
आम नेपाली दाजुभाई दिदीबहिनी साराको l
खुसियाली लौटाउने गरी, आउनु नयाँ वर्ष ll
दुःखीका चोट पीडा अनि कष्ठलाई हरेर l
मजदुरको भोक मेटाउने गरी, आउनु नयाँ वर्ष ll
खुसियाली छाएर अनि समृद्धि ल्याएर l
नयाँ कृती पठाउने गरी आउनु नयाँ वर्ष ll
