साँच्चै यो विपत्तिले, हात कैले धुन्छ होला ।
भगवानले मानवको, पुकार कैले सुन्छ होला ।।
रोएको छ दुनिया, त्रास फैल्यो जताततै ।
कोरोनाले संसारबाट, बिदा कैले लिन्छ होला ।।
सन्तानलाई त्यो पीडामा, छट्पटीएको देख्दा ।
बाबुआमा परिवारको, मन कति रुन्छ होला ।।
किन मौन छौँ तिमी, बताइदेउन ए ईश्वर ।
यो रोगलाई निर्मूल पार्ने, औषधी कुन छ होला ।।
लाचार छ संसार अनि, निर्दही छ भाइरस।
अरूलाई दुःख दिएरनै, आँफू खुसी हुन्छ होला ।।
