पोखरा, १६ चैत– लोग्नेको पिटाइबाट पोखरामा एक महिलाको ज्यान गएको छ । पोखरा–२६, बरालडाँडाका देवबहादुर बिकको पिटाइबाट उनकी श्रीमती ४० वर्षीया देवी जिसी बिकको ज्यान गएको प्रहरीले जनाएको छ ।
मादक पदार्थ सेवन गरेका देवबहादुरले शुक्रबार श्रीमतीमाथि आक्रमण गरेका थिए । उनको आक्रमणबाट टाउको र खुट्टामा चोट लागेपछि देवीलाई अस्पताल लगिएको थियो । उपचारपछि घर फर्केकी देवी शनिबार अचेत भएपछि पुनः पश्चिमाञ्चल क्षेत्रीय अस्पतालमा उपचार गराउने क्रममा नै मृत्यु भएको प्रहरीले जनाएको छ ।
