बुटवल, १९ वैशाख – लुम्बिनी प्रदेश सांसद विमला वली माओवादीमा प्रवेश गरेकी छिन् । ओली माओवादीमा प्रवेश गरेसँगै शंकर पोखरेलको बहुमत गुमेको छ। दाङबाट प्रदेशसभा ३ (ख)बाट वलीले नेकपाका तर्फबाट उपचुनाव जितेकी थिइन् । नेपाली कांग्रेसका उम्मेदवार केशवराज शर्मा आचार्यलाई ५ हजार १ सय ४ मतअन्तरले पराजित गर्दै उनी प्रदेशसभा सदस्यमा विजयी भएकी थिइन् । माओवादी र एमाले विभाजित भएपछि उनी कता लाग्ने टुंगो नलाग्दै एमालेले उनलाई समेत जोडेर आफ्नो पक्षमा ४१ सांसद रहेको बताएको थियो । तर वलीले माओवादी कित्तामा जाने निर्णय गरेपछि मुख्यमन्त्री पोखरेलले बहुमत गुम्ने ठहर गर्दै राजीनामा दिएको बुझिएको छ । यसैबीच माओवादीले विमला वली पार्टीमा प्रवेश गरेको औपचारिक जानकारी प्रदेश सभालाई गराइसकेको एक नेताले बताए । वली प्रदेशसभा सदस्य स्वर्गीय उत्तरकुमार वलीकी पत्नी हुन्। सवारी दुर्घटनामा उनको निधन भएपछि उपनिर्वाचनमा वली विजयी भएकी थिइन् । लुम्बिनी प्रदेशसभा सचिवाालयका सचिव दुर्लभ कुमार पुनले प्रदेशसभा नियामवली ०७४ को नियम १८७ को अनुसूची ६ को विवरणमा सांसदले पार्टी खुलाउनुपर्नेमा सांसद ओलीले माओवादी केन्द्र खुलाएको पत्र सचिवालयमा प्राप्त भएको बताए ।
