पोखरा/ विद्यार्थीसँग विभिन्न बहानामा पोखरास्थित मणिपाल अस्पतालले बढी शुल्क असुलेको भन्दै नेकपा एमाले निकट अनेरास्ववियु विगत दुई हप्तादेखि निरन्तर आन्दोलनमा छ । संगठनले सोमबारसमेत मूल्यवृद्धि फिर्ता नलिएको भन्दै मणिपाल शिक्षण अस्पताल परिसरमा नाराबाजी गरेको थियो ।
तर, क्याम्पस प्रशासनले आफूहरुको माग पूरा गर्नुको साटो विभिन्न बहानामा टार्दै आएको संगठनको आरोप छ । चिकित्सा शिक्षा आयोगले दुई वर्षअघि चिकित्सा संकायका लागि निश्चित मूल्य तोकेको भए पनि मणिपालले विभिन्न बहानामा छ लाख रुपैयाँभन्दा बढी असुलेको विद्यार्थीको आरोप छ ।
