पोखरा / सडक पेटिमा गीत गाउँदै गुजारा गर्ने नागरिकलाई लामा अमृत फाउण्डेसनले आर्थिक सहयोग गरेको छ ।
फाउण्डेसनले पोखराको विभिन्न स्थानमा गीत गाएर दैनिकी गुजारा गर्दै आएका २२ जना दृष्टिविहिन नागरिकलाई आर्थिक सहयोग गरेको हो ।
लामा अमृत फाउण्डेशन घान्द्रुकका संस्थापक अमृत गुरुङको अगुवाई तथा लोकदोहोरी गायिका तथा नृत्यकार प्रीति आलेमगरको संयोजनमा संकलित रकम सहयोग गरेको हो ।
प्रतिव्यक्ति ६ हजार ५ सयका दरले (१ लाख ४३ हजार रुपैयाँ) आर्थिक सहयोग हस्तान्तरण गरे ।
