कास्की/कविशिरोमणि लेखनाथ पौड्यालको १४० औं जन्मजयन्तीको अवसरमा उनको जन्मस्थल पोखरा–२७ अर्चलेमा स्थानीय जनएकता युवा क्लबले राखेको कविता प्रतियोगितामा रिलायन्स पब्लिक स्कुलकी एलिसा मिश्रले प्रथम स्थान हासिल गरिन् ।
प्रतियोगितामा जनप्रकाश माविकी आशा परियारले द्धितीय,न्यू एरा माविकी सदीक्षा अधिकारीले तृतीय स्थान हासिल गरिन् ।यसै गरी त्रिवेणी पब्लिककी प्रकृति अधिकारीले चौथो स्थान प्राप्त गरिन् ।
यसै गरी जन्मजयन्तीकै अवसरमा लायन्स क्लब अफ लेखनाथले राखेको कविता प्रतियोगितामा ग्लोबलका अनुपम रिजालले प्रथम स्थान हासिल गरे । प्रतियोगितामा अमरसिंह माविकी करुणा काफ्लेले द्धितीय र डायमण्ड माविकी सुरवी पौडेलले तृतीय स्थान प्राप्त गरिन् । यसै गरी शितलादेवी माविका अनुराग सापकोटाले चौथो स्थान प्राप्त गरेका संयोजक शिव लामिछानेले वताएका छन् ।
विजेताहरुलाई कविशिरोमणि लेखनाथ पौड्यालको जन्मस्थल पोखरा–२७ अर्चलेमा १५ गते हुने मूल समारोहमा उनीहरुलाई पुरस्कारद्वारा सम्मान गरिने लायन्स क्लब अफ लेखनाथका अध्यक्ष रमानाथ पौडेलले वताए
