पोखरा/ आसन्न प्रतिनिधि सभा निर्वाचनका लागि हिमाली जिल्ला मनाङमा ५ जनाको उम्मेदवारी परेको छ ।
मुख्य निर्वाचन अधिकृतको कार्यालयका अनुसार एक मात्र निर्वाचन क्षेत्र रहेको मनाङमा नेपाली कांग्रेसबाट टेकबहादुर गुरुङ, नेकपा एमालेबाट पोल्देन छोपाङ गुरुङ उम्मेदवार रहेका छन् । यसैगरी नेपाली कम्युनिष्ट पार्टीबाट यशोदा गुरुङ सुवेदी, राप्रपाबाट कुविरसिंह गुरुङ र मंगोल नेशनल अर्गानाइजेशनबाट रामबहादुर घलेले उम्मेदवारी दर्ता गराएका छन् ।
काग्रेसका टेकबहादुर निवर्तमान सांसद हुन् । यसैगरी एमालेका पोल्देन २०७९ को निर्वाचनमा कांग्रेसका टेकबहादुर गुरुङसंग पराजित भएका थिए । नेकपाकी यशोदा पहिलोपटक निर्वाचनमा होमिएकी हुन् । सुरुमा नेकपाले साविक माओवादी केन्द्रका महासचिव देव गुरुङलाई टिकट दिएकोमा उनले चुनाव लड्न अनिच्छा देखाएपछि यशोदा उम्मेदवार बनेकी हुन । यशोदा देव गुरुङकी पत्नी हुन् ।
