प्रदेसबाट गाँउको वारी पारी सम्झीराछु
सुन्तला र काक्रा फल्ने बारी सम्झीराछु।
अम्बा पाकेको हुन्थयो, बोट भरी पहेलै,
बोक्नै गार्हो हजारी केराको घारी सम्झीराछु।
साथि संगि भैलो खेल्थ्यौ , डुल्थ्यौ रातैभरी,
जम्मा हुने चामल को भारी सम्झीराछु।
कस्ता भएहोलान भैलो भटाउने माईला दाई,
सेते दाईले पाल्ने लामो दार्ही सम्झीराछु।
पौडी खेल्थ्यौ दरम खोला,घुम्न जान्थ्यौ गल्कोट बजार,
सितल ताप्ने बर पिपल को छहारी सम्झीराछु।
