पोखरा, १२ माघ– कास्की प्रहरीले चोरीका सामानसहित पर्वत घर भई हाल पोखराको विजयपुर बस्ने किशोर शर्मालाई पक्राउ गरेको छ । पोखरा–५ धारापानी मार्ग बस्ने गीता भुजेलको उजुरीको आधारमा प्रंहरीले चोरीका सामानसहित किशोरलाई पक्राउ गरेको हो । माघ ६ गते दिउँसै कोठाको ताला र दराज फोडी आफ्नो सामान चोरी भएको गीताले प्रहरीमा जाहेरी दिएकी थिइन् । प्रहरीले किशोरको साथबाट सुनका गहनाहरु बरामद गरेको छ ।
