पोखरा/ गण्डकी प्रदेश प्रहरी कार्यालय ५० जना प्रहरी कर्मचारीहरुलाई हलुका सवारी साधन ( कार/जिप) ड्राइभिङ तालिम दिएको छ । प्रहरीलाई सीपयुक्त बनाउने उद्धेश्यले सो तालिमा दिइएको हो ।
तालिममा गण्डकी प्रदेशअन्तर्गतका विभिन्न प्रहरी कार्यालयहरुमा रही उत्कृष्ट कार्यसम्पादन गर्न प्रहरीहरु समावेश थिए । तालिममा गोरखा जिल्ला अन्तर्गतबाट ३ जना, नवलपरासी (पुर्व) ४, कास्की १६ , तनहुँ ८, स्याङ्जा ४, बागलुङ ४, म्याग्दी २, पर्वत २, मुस्ताङ २, लमजुङ ३, मनाङ जिल्ला अन्तर्गतबाट-२ जना प्रहरी कर्मचारीहरु सहभागी भएका गण्डकी प्रदेशका प्रहरी निरीक्षक टेकप्रसाद सुवेदीले जानकारी दिए ।
शुक्रबार समापन कार्यक्रममा प्रमुख अतिथि गण्डकी प्रदेश प्रहरी प्रमुख बुद्धिराज गुरुङले उनीहरुलाई प्रमाणपत्र दिए । तालिम समापन कार्यक्रममा प्रहरी निरीक्षक रविन्द्र थापाले तालिम सम्बन्धी प्रतिवेदन प्रस्तुत गरेका थिए ।
