पोखरा / जनकपुरमा एक किशोरी पेस्तोलसहित पक्राउ परेकी छन् । जनकपुरधामको रेल्वे स्टेसन नजिक हनुमान मन्दिरबाट उनलाई हिजो राती सशस्त्र प्रहरीले पक्राउ गरेको हो ।
भारतको विहार राज्य लख्खी शेराई ग्रामपञ्चायत वडीपोखरी ९ की पूजा कुमारी सहनीलाई शसस्त्र प्रहरीले पक्राउ गरेको हो । उनी पप्पु सहनीको छोरी रहेको बताइएको छ ।
रेल्वे सुरक्षा बेस जनकपुरबाट खटिएको सशस्त्र प्रहरी टोलीले विशेष सूचनाको आधारमा चेकजाँच गर्दा उनको साथबाट एक थान कटुवा पेस्तोल बरामद भएको हो ।
उनको साथबाट नेपाली ६५ रुपैयाँ, भारतीय फाइभ–जी सिम एक थान र एक थान चाँदीको जस्तो देखिने मालाको लकेट बरामद भएको छ ।
