पोखरा / नेपालको औपचारिक भ्रमणका क्रममा आज पोखरा आएका संयुक्त राष्ट्रसङ्घका महासचिव एन्टोनिए गुटेरेसले पोखराको प्रसिद्ध धार्मिक पर्यटकीय गन्तव्य पुम्दीकोटको दर्शन गरेका छन् ।
सोमवार दिउँसो साढे ४ बजे पुम्दीकोट पुगेका महासचिव गुटेरेसलाई महादेवको विशाल मूर्ति निर्माण अभियानका संयोजक एवम् पुम्दीकोट विकास समितिका अध्यक्ष चन्द्रकान्त बराल, पोखरा महानगरपालिकाका प्रमुख धनराज आचार्य र पोखरा महानगरपालिका-२२ का वडाध्यक्ष हिमलाल बराललगायतले स्वागत गरेका थिए ।
त्यहाँ फर्के लगतै महासचिव गुटेरेसले पोखराको फेवातालमा डुंगा सयर गरेका छन् । तालमा रहेको मोटरबोट चढेर उनले तालको परिक्रमा गरेका थिए ।
