पोखरा / पोखरामा जारी चौथो संस्करणको टाइगरकपमा गण्डकीको महिला टिमको पहिलो खेलमा लज्जास्पद हार भएको छ ।
टाइगर ग्रुप अफ पोखराको आयोजनामा पोखरा रंगशालामा जारी चौथो टाइगर कप राष्ट्रिय तथा अन्तर्राष्ट्रिय क्लब पुरुष तथा महिला भलिबल च्याम्पियनसिपको महिला तर्फ समुह ए मा नेपाल पुलिसले गण्डकीलाई ३-० को सोझो सेटमा हराएको छ ।
तीन भारतीय खेलाडी लिएर पुलिसको सामना गरेको गण्डकीलाई दोहोरो अंक जोड्न समेत धौधौ पर्यो ।
पहिलो सेटमा पुलिसले गण्डकीलाई २५-१० को अती फराकिलो जित हासिल गर्यो । दोस्रो सेटमा गण्डकीको झन खस्कदो प्रदर्शन रह्यो । पुलिसले दोस्रो सेटमा २५-९ को जित हासिल गर्यो । तेस्रो सेटमा २५-१६ ले आफ्नो पक्षमा पारेको हो । खेलको टाइगर अफ दि म्याच पुलिसकी उषा भण्डारी घोषित भइन ।
यस पछि महिलातर्फ समुह बि मा रहेको त्रिभुवन आर्मी र भारतको हरियाणा टिम बिच हुदैछ ।
पुरुषतर्फ भने आज एपिएफ र श्रीलंका आर्मी टिम र दोस्रो खेल आर्मी र हेल्प नेपाल बीच हुनेछ ।
(तस्वीर : वसन्त शेर्पा )
