पोखरा / राष्ट्रिय सभा निर्वाचनअन्तर्गत गण्डकी प्रदेशमा तीन क्लष्टरमा भएको निर्वाचनमा २२९ जनाले मतदान गरेका छन् । यहाँ कुल मतदाता संख्या २३० रहेका छन् ।
६० प्रदेशसभा सदस्य र ८५ स्थानीय तहका प्रमुख/उपप्रमुख, अध्यक्ष/उपाध्यक्ष गरी २३० जना मतदाता रहेको निर्वाचन कार्यालयले जनाएको छ ।
प्रदेश निर्वाचन कार्यालयका सूचना अधिकारी रुद्र न्यौपानेका अनुसार एकजना मतदाता बाहेक सबैले मतदान गरिसकेका छन् ।
मतदानका लागि निर्वाचन कार्यालयले इमेज सहकारी प्रकरणमा फरार सूचीमा रहेका बागलुङको ढोरपाटन नगरपालिकाका प्रमुख देवकुमार नेपालीलाई कुरेर बसेको छ ।
मतदानको अन्तिम समय दिउसो ३.०० बजेसम्म रहेको छ ।
